Kryeministri i Kosovës, Albin Kurti ka marrë pjesë sot në ceremoninë përkujtimore në nderim të katërmbëdhjetë pjesëtarë të Forcave të Armatosura Britanike, të rënë në Kosovë.

Kjo ceremoni është organizuar nga Ambasada britanike në Prishtinë, në bashkëpunim me Forcat e Sigurisë së Kosovës, në nder të Ditës së Përkujtimit, u bënë homazhe para Memorialit të Dëshmorëve Britanikë, në sheshin “Edit Durham” në Prishtinë, transmeton arbresh.info

Në këtë ceremoni përkujtimore morën pjesë edhe presidentja Vjosa Osmani, ministri i Mbrojtjes, Armend Mehaj dhe ambasadori britanik, Nicholas Abbott.

Njoftimi i plotë:

Kryeministri i Republikës së Kosovës, Albin Kurti, mori pjesë në ceremoninë përkujtimore në nderim të katërmbëdhjetë pjesëtarëve të Forcave të Armatosura Britanike, të rënë në Kosovë, në kuadër të misionit paqeruajtës të NATO-s dhe KFOR-it.

Në ceremoninë e organizuar nga Ambasada britanike në Prishtinë, mbështetur edhe nga Forca e Sigurisë së Kosovës,  në nder të Ditës së Përkujtimit, u bënë homazhe para Memorialit të Dëshmorëve Britanikë, në sheshin “Edit Durham” në Prishtinë.

Në këtë ceremoni përkujtimore, të rënët u nderuan edhe nga Presidentja e Republikës së Kosovës, Vjosa Osmani, Ministri i Mbrojtjes, Armend Mehaj, dhe ambasadori britanik Nicholas Abbott./arbresh.info/